21 лютага шырока адзначаецца ў нашай краіне Міжнародны дзень роднай мовы. Наша школа таксама ёміста адзначыла гэты дзень. Была арганізавана выстава плакатаў, прысвечаных прыгажосці і гучнасці нашай роднай мовы “І слова роднае люблю я…”
З вялікай удзячнасцю слухалі вучні розных класаў паведамленнне лектарскай групы “Скарынічы” пра паходжанне святкавання 21 лютага Міжнароднага дня роднай мовы.А на перапынках вучні дружна спявалі беларускія народныя песні-караоке. Гэта было цудоўнае відовішча. У чарговы раз мы ўпэўніліся, што вучням вельмі падабаецца родная мова і культура. У канцы гэтага імправізаванага канцэрта прагучаў гімн Рэспублікі Беларусь.
Вучні сур’ёзна і адказна паказалі свае адносіны да сімволікі нашай краіны. Дзякуючы такім мерапрыемствам, мы, настаўнікі, смела можам сцвярджаць, што будучыня – у надзейных руках маладога пакалення патрыётаў сваёй Радзімы.
Кіраунік ВМА Перац С.У.
фотарэпартаж >>>
|